რუსებმა კრამატორსკის ცენტრში საჰაერო ბომბები ჩამოაგდეს, დაშავებულია 22 მშვიდობიანი მოქალაქე

რუსებმა უკრაინის დონეცკის ოლქის ქალაქ კრამატორსკის ცენტრში საჰაერო ბომბები ჩამოაგდეს, რის შედეგადაც 22 ადამიანი დაშავდა, - ინფორმაციას უკრაინული მედია ავრცელებს.

მათივე ინფორმაციით, ადგილზე ყველა შესაბამისი სამსახური მუშაობს.

თავდაპირველად ცნობილი იყო 4 დაშავებულის შესახებ მოგვიანებით კი დაშავებულთა რაოდენობა 22-მდე გაიზარდა.

„ვადგენთ მსხვერპლის ზუსტ რაოდენობას და ნგრევის მასშტაბებს“, - განაცხადა დონეცკის საოლქო-სახელმწიფო ადმინისტრაციის ხელმძღვანელმა, ვადიმ ფილაშკინმა.

მან ხაზი გაუსვა, რომ ოლქში დარჩენა საშიშია და მოქალაქეებს ევაკუაციისკენ მოუწოდა.