უკრაინული მედია - მარკ რუტე ხვალ უკრაინის უმაღლეს რადაში სიტყვით გამოვა
მარკ რუტე ხვალ უკრაინის უმაღლეს რადაში სიტყვით გამოვა, - ინფორმაციას უკრაინული მედია უმაღლესი რადას დეპუტატზე, ოლექსი გონჩარენკოზე დაყრდნობით ავრცელებს.
გონჩარენკოს ცნობით, 3 თებერვალს უკრაინის უმაღლესი რადას მე-15 სესია გაიხსნება და ნატო-ს გენერალური მდივანი, მარკ რუტე სიტყვით გამოვა.
„ხვალ, ნატო-ს გენერალური მდივანი, მარკ რუტე უკრაინის უმაღლეს რადაში სიტყვით გამოვა“, - წერს გონჩარენკო „ტელეგრამის“ არხზე.
მარკ რუტეს კიევში ოფიციალური ვიზიტის შესახებ ნატო-ს განცხადება ჯერჯერობით არ გაუვრცელებია.
