პალესტინის პრეზიდენტი თებერვალში რუსეთს ეწვევა

პალესტინის პრეზიდენტი თებერვალში რუსეთს ეწვევა

პალესტინის პრეზიდენტი, მაჰმუდ აბასი თებერვალში რუსეთს ეწვევა, - ამის შესახებ ინფორმაციას პალესტინელი ლიდერის მრჩეველი, მაჰმუდ ალ-ჰაბაში ავრცელებს.

„კონკრეტული თარიღი ჯერ დადგენილი არ არის, მაგრამ დიდი ალბათობით, ვიზიტი თებერვალში შედგება. შეთანხმება მხოლოდ ვიზიტის თვეზე იქნა მიღწეული“, - განაცხადა მაჰმუდ აბასის მრჩეველმა.

მაჰმუდ ალ-ჰაბაშის ცნობით, ვიზიტის ფარგლებში მხარეები ორმხრივ ურთიერთობებსა და ახლოს აღმოსავლეთში არსებულ ვითარებას განიხილავენ.

მაჰმუდ აბასის მრჩეველმა აღნიშნა, რომ პალესტინელი ხალხის უფლებების მხარდაჭერისას რუსეთი მთავარ როლს ასრულებს.