წალენჯიხის მუნიციპალიტეტში საცხოვრებელი სახლი დაიწვა
წალენჯიხის მუნიციპალიტეტის სოფელ ჭალეში ხანძრის შედეგად ორსართულიანი საცხოვრებელი სახლი სრულად დაიწვა. შემთხვევის შედეგად არავინ დაშავებულა.
ცეცხლის ლოკალიზებას ადგილზე მობილიზებული რამდენიმე სახანძრო-სამაშველო ბრიგადა ცდილობდა. დაზარალებულ ოჯახს მუნიციპალიტეტის მერია დახმარებას გაუწევს.
ხანძრის გამომწვევი მიზეზი ჯერჯერობით უცნობია და მას გამოძიება დაადგენს.
