CNN - აშშ უკრაინას ირანისთვის ჩამორთმეულ იარაღსა და საბრძოლო მასალას გადასცემს

ამერიკის შეერთებული შტატები უკრაინას ირანისთვის ჩამორთმეულ ათასობით იარაღსა და საბრძოლო მასალას გადასცემს, რაც ხელს შეუწყობს დეფიციტის შემსუბუქებას, რომლის წინაშეც უკრაინელი სამხედროები დგანან, - ინფორმაციას CNN-ი ავრცელებს.
ამასთან, ტელეკომპანიის ცნობით, აშშ-ის ცენტრალურმა სარდლობამ უკრაინას უკვე გადასცა ირანისთვის ჩამორთმეული მილიონზე მეტი ტყვია.
აშშ-ის იუსტიციის დეპარტამენტმა მარტში გამოაცხადა, რომ სურდა ერთი მილიონი ვაზნის, საბრძოლო მასალის, ათასობით შაშხანის, კონფისკაცია, რომელიც აშშ-ის საზღვაო ძალებმა იმ საბრძოლო გემებიდან ამოიღეს, რომლებსაც ირანი იემენში იარაღის გადასაზიდად იყენებდა.

























