უკრაინის შეიარაღებული ძალები არსენალში უკრაინული დრონის ახალ მოდელს ამატებს

უკრაინის შეიარაღებული ძალები არსენალში უკრაინული დრონის ახალ მოდელს ამატებს

უკრაინის თავდაცვის სამინისტრო უკრაინის შეიარაღებული ძალების არსენალში FPV დრონების ახალ, მე-10 მოდელს ამატებს.

"FPV-ის ეს დრონი, ისევე, როგორც სხვა მოდელები, დამზადებულია უკრაინაში, მაგრამ ძირითადად უცხოური კომპონენტებისგან. შემდეგი დონე არის ძირითადი კომპონენტების წარმოება უკრაინაში და დივერსიფიკაციის უზრუნველყოფა, რათა უზრუნველყოფილ იქნას ჯარის მომარაგების დამოუკიდებლობა და სტაბილურობა ნებისმიერ პირობებში", - განაცხადა უკრაინის თავდაცვის მინისტრმა ოლექსი რეზნიკოვმა.

მისი თქმით, ბოლო 15 თვის განმავლობაში უკრაინის თავდაცვის სამინისტრომ სხვადასხვა ტიპის უპილოტო საფრენი აპარატის 30-ზე მეტი მოდელი გამოიყენა.

უკრაინის ვიცე-პრემიერმა და ციფრული ტრანსფორმაციის მინისტრმა, მიხაილო ფედოროვმა ივნისში განაცხადა, რომ FPV-ის დრონები ფრონტის ხაზზე სულ უფრო აქტუალური ხდება. მისი თქმით, უკრაინელ სამხედროებს ყოველთვიურად ათობით ათასი FPV დრონი სჭირდებათ.