ერგნეთში, დღეს, ინციდენტების პრევენციისა და მათზე რეაგირების მექანიზმის ფარგლებში, მორიგი შეხვედრა გაიმართება
სოფელ ერგნეთში, დღეს, ინციდენტების პრევენციისა და მათზე რეაგირების მექანიზმის ფარგლებში, რიგით 107-ე შეხვედრა გაიმართება.
წინასწარი ინფორმაციით, შეხვედრის მონაწილეები გამყოფ ხაზთან წინა შეხვედრიდან დღემდე დაფიქსირებულ უკანონო ე.წ. ბორდერიზაციის შემთხვევებს და ყველა სხვა ინციდენტს განიხილავენ.
საქართველოს ცენტრალური ხელისუფლების წარმომადგენლები დღევანდელ შეხვედრაზე ერთ-ერთ მთავარ საკითხად უკანონოდ დაკავებული საქართველოს მოქალაქეების უპირობოდ გათავისუფლების საკითხს დააყენებენ.
ამასთან, განიხილავენ ჰუმანიტარულ საკითხებსაც, რომელთა შორის ერთ-ერთი, საოკუპაციო რეჟიმის მიერ თავისუფალ გადაადგილებაზე უკანონოდ დაწესებული შეზღუდვაა.
