ოკუპირებულ აფხაზეთში კორონავირუსის 109 ახალი შემთხვევა დადასტურდა, ერთი პაციენტი გარდაიცვალა
ოკუპირებულ აფხაზეთში კორონავირუსის 109 ახალი შემთხვევა დადასტურდა. ე.წ. ოპერატიული შტაბის ინფორმაციით, კორონავირუსზე ტესტი გასულ-დღე ღამეში 457 ადამიანს ჩაუტარდა.
ამავე ინფორმაციით, 9 დეკემბერს, გუდაუთის კოვიდ - საავადმყოფოში 58 წლის პაციენტი გარდაიცვალა.
ამ დროისთვის გუდაუთის ცენტრალურ საავადმყოფოში სტაციონარულ მკურნალობას 93 ადამიანი გადის, მათგან 84-ს COVID-19 აქვს დადასტურებული. 15 ადამიანი მძიმე მდგომარეობაშია, 22 პაციენტის ჯანმრთელობის მდგომარეობა საშუალო სიმძიმისაა.
სოხუმის ინფექციურ საავადმყოფოში 31 პაციენტია COVID-19 დადასტურებული დიაგნოზით.
ოკუპირებულ აფხაზეთში კორონავირუსის შემთხვევების საერთო რაოდენობა 6924-ს შეადგენს. 93 ადამიანი გარდაიცვალა. 5096 პაციენტი განიკურნა.
