ოკუპირებულ აფხაზეთში კორონავირუსის 84 ახალი შემთხვევა გამოვლინდა, 3 პაციენტი გარდაიცვალა
გასული დღე-ღამის განმავლობაში ოკუპირებულ აფხაზეთში კორონავირუსზე ტესტი 265 ადამიანს ჩაუტარდა, რომელთაგან 84-ს ვირუსი დაუდასტურდა. ამის შესახებ ე.წ. ოპერატიული შტაბი იუწყება.
ოკუპირებულ რეგიონში დაინფიცირებულთა საერთო რაოდენობა 5732 -მდე გაიზარდა.
რაც შეეხება გამოჯანმრთელებულებს, მათი რიცხვი 3 661-ს შეადგენს.
ამ დროისთვის, გუდაუთის კოვიდ ჰოსპიტალში სტაციონარულად 62 კოვიდინფიცირებული ადამიანი მკურნალობს. მათგან მძიმე მდგომარეობაშია 23 ადამიანი, 20 პაციენტის მდგომარეობა კი საშუალო სიმძიმისაა.
გარდა ამისა, ოკუპირებულ რეგიონში კორონავირუსით გასული დღე-ღამის განმავლობაში კიდევ 3 ადამიანი გარდაიცვალა. ლეტალური შემთხვევების რიცხვი კი 77-მდე გაიზარდა.
