გლდანულაში, ერთ-ერთ პარკში, ლეიბორიტული პარტიის წარმომადგენლების მიერ „ქართული ოცნების“ დროშების ჩამოხსნას, დაპირისპირება მოყვა
ლეიბორიტული პარტიის ახალგაზრდული ორგანიზაციის წამომადგენლებმა, გლდანულაში, ერთ-ერთ პარკში „ქართული ოცნების“ დროშების ჩამოხსნა სცადეს, რასაც მოსახლეობის ნაწილის პროტესტი მოჰყვა.
როგორც აქციის მონაწილე ახალგაზრდა ლეიბორისტები აცხადებენ, „ქართული ოცნება“ დროშებს უკანონოდ ანთავსებს სხვადასხვა ადგილზე.
„ზონდერებმა” დაიწყეს უკვე წინასაარჩევნოდ განსხვავებული პოლიტიკური აზრის მქონე ადამიანისთვის ხელის შეშლა, აგრესია, ფიზიკური და სიტყვიერი შეურაცხყოფა. ჩვენ აქ ვართ მოსულები იმისთვის, რომ ჩამოვხსნათ დროშები, რომლებიც აბსოლუტურად უკანონოდ არის განთავსებული. ქალაქის ბიუჯეტიდან, ჩვენი ჯიბის ფულიდან „ ქართული ოცნება“ იკეთებს საკუთარი თავის პიარს", - აცხადებს აქციის მონაწილე.
ადგილზე მობილიზებული იყო საპატრულო პოლიციის ეკიპაჟები. მათ აქციის რამდენიმე მონაწილე ადგილიდან გაიყვანეს.
