ოკუპირებულ აფხაზეთში კორონავირუსის 25 ახალი შემთხვევა გამოვლინდა
ოკუპირებულ აფხაზეთში კორონავირუსის 25 ახალი შემთხვევა დაფიქსირდა. ინფორმაციას ადგილობრივი მედია ე.წ. ოპერატიული შტაბის მონაცემებზე დაყრდნობით ავრცელებს.
მათივე მონაცემებით, გასული დღე-ღამის განმავლობაში კორონავირუსზე ტესტი 190 ადამიანს ჩაუტარდა.
2 სექტემბრის მდგომარეობით, ოკუპირებულ აფხაზეთში კორონავირუსი სულ 384 ადამიანს გამოუვლინდა, მათგან 183 პაციენტი განიკურნა, 4 კი - გარდაიცვალა.
