აჭარის უმაღლესი საბჭოს რიგგარეშე სესიაზე რამდენიმე საკითხი განიხილეს

აჭარის უმაღლესი საბჭოს რიგგარეშე სესიაზე დეპუტატებმა დღის წესრიგით გათვალისწინებულ საკითხებზე იმსჯელეს. ამის შესახებ „ინტერპრესნიუსს“ აჭარის უმაღლესი საბჭოდან აცნობეს.
მათი ინფორმაციით, II მომსმენით, შენიშვნების გათვალისწინებით დამტკიცდა დავით გაბაიძის მიერ სხდომაზე წარმოდგენილი კანონის პროექტი - „აჭარის ავტონომიური რესპუბლიკის ჯილდოებისა და საპატიო წოდებების შესახებ“.
„გამარტივებული წესით, 15 ხმით მიიღეს კანონის პროექტი - „აჭარის ავტონომიური რესპუბლიკის რესპუბლიკური ბიუჯეტის სახსრების ხარჯზე გაცემული სესხების რესტრუქტურიზაციის შესახებ“, რომელიც სხდომაზე აჭარის სოფლის მეურნეობის მინისტრმა წარმოადგინა. რიგგარეშე სესიას აჭარის უმაღლესი საბჭოს თავმჯდომარის მოადგილე მერაბ კარანაძე უძღვებოდა“,-აღნიშნულია ინფორმაციაში.

























