ფოთში ავტომობილი ქვეითს დაეჯახა, დაშავებული კლინიკაშია გადაყვანილი

ფოთში ავტომობილი ქვეითს დაეჯახა, დაშავებული კლინიკაშია გადაყვანილი

ფოთში ავტოსაგზაო შემთხვევის შედეგად ერთი ადამიანი დაშავდა. მსუბუქი ავტომანქანა ქალს დაეჯახა, რომელიც ფეხით მოსიარულეებისთვის განკუთვნილ გადასასვლელზე გადადიოდა. სასწრაფო-სამედიცინო დახმარების ბრიგადამ დაშავებული ქალაქის ჰოსპიტალში გადაიყვანა.

ექიმების ინფორმაციით, პაციენტს კვლევები უტარდება.

„112-ის ბრიგადამ ავტოსაგზაო შემთხვევიდან შემოიყვანა 69 წლის ქალი. პაციენტი ამჟამად იმყოფება მიმღებ დიაგნოსტიკურ განყოფილებაში და მიმდინარეობს კლინიკო- ლაბორატორიული კვლევები. მისი მდგომარეობა დამაკმაყოფილებელია, სტაბილურია, პაციენტი გონზეა. დანარჩენი კვლევების შემდეგ გახდება ცნობილი“, - განაცხადა ჰოსპიტლის დირექტორმა თეა მიგინეიშვილმა.

როგორც ,,ინტერპრესნიუსს” შსს-ში განუცხადეს, მომხდარზე გამოძიება სსკ-ის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ადამიანის ნაკლებად მძიმე დაზიანება გამოიწვია.