ბოლნისის მუნიციპალიტეტში კორონავირუსზე 20 პირის პასუხი უარყოფითია

ბოლნისის მუნიციპალიტეტში კორონავირუსზე 20 პირის პასუხი უარყოფითია

ბოლნისის მუნიციპალიტეტიდან, ლუგარის ლაბორატორიაში გადაგზავნილი 20 საკვლევი მასალიდან ,,კოვიდ-19"-ზე ყველა პასუხი უარყოფითია. როგორც "ინტერპრესნიუსს" ბოლნისის მუნიციპალიტეტის მერიაში განუცხადეს, 20-დან 12 ბიოლოგიური მასალა სოფელ მუშევანში იქნა აღებული, 8 კი „ცხელების ცენტრში“ მყოფი პირებისგან, ასევე სასწრაფო სამედიცინო დახმარების ბრიგადის პერსონალიდან გეგმური კვლევის ფარგლებში. ლაბორატორიული კვლევის შედეგად კორონავირუსი არც ერთს არ დაუდგინდა.

ბოლნისის მუნიციპალიტეტში, კორონავირუსით ინფიცირების სულ 185 დადასტურებული შემთხვევაა დაფიქსირებული, მათგან 89 გამოჯანმრთელდა, 4 კი გარდაიცვალა. ბოლნისის მუნიციპალიტეტის სოფელი მუშევანი და გეტა, კვლავ ჩაკეტილია, აღნიშნულ სოფლებში დღემდე მკაცრი საკარანტინე რეჟიმი მოქმედებს.