ბათუმში მიკროავტობუსის და მსუბუქი ავტომობილის შეჯახებისას სამი ადამიანი დაშავდა

ბათუმში ავტოსაგზაო შემთხვევის შედეგად სამი ადამიანი დაშავდა. ისინი სასწრაფო სამედიცინო დახმარების ბრიგადამ საავადმყოფოში გადაიყვანა. არსებული ინფორმაციით, მათი ჯანმრთელობის მდგომარეობა მძიმეა.
ავტოსაგზაო შემთხვევა, ბათუმში ჯავახიშვილის ქუჩაზე მოხდა, სადაც სამგზავრო მიკროავტობუსი და მსუბუქი ავტომობილი ერთმანეთს შეეჯახა. ადგილზე სამართალდამცავები იყვნენ მობილიზებული.
როგორც საქართველოს შინაგან საქმეთა სამინისტროში "ინტერპრესნიუსს" განუცხადეს, ფაქტზე გამოძიება "სისხლის სამართლის კოდექსის" 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს.

























