დე-ფაქტო ხელისუფლება აფხაზეთიდან ცენტრალური ხელისუფლების მიერ კონტროლირებად ტერიტორიაზე სამკურნალოდ გადმოსული მოქალაქეების რეგიონში დასაბრუნებლად ე.წ. „საზღვარს“ ხსნის

„აფხაზეთის მოქალაქეები, რომლებიც საქართველოში მკურნალობდნენ, სამშობლოში დაბრუნებას 26 მაისიდან შეძლებენ,”- ამის შესახებ ოკუპირებული აფხაზეთის მთავარმა სანიტარულმა ექიმმა ლუდმილა სკორიკმა განაცხადა.

მისივე თქმით, „ენგურის“ საგუშაგოზე ყველა მოქალაქეს ექიმები შეამოწებენ და კორონავირუსის სიმპტომების არსებობის შეთხვევაში COVID-19-ზე ტესტირება ჩაუტარდება.

გარდა ამისა, ლუდმილა სკორიკის განმარტებით, აფხაზეთში შესული მოქალაქეები 14-დღიან სავალდებულო თვითიზოლაციას გაივლიან.

შეგახსენებთ, აფხაზეთის დე-ფაქტო ხელისუფლებამ საქართველოსთან ე.წ. საზღვარი 14 მარტს ჩაკეტა.

ბოლო მონაცემებით, ოკუპირებულ აფზახეთში კორონავირუსის 28 შემთხვევაა დადასტურებული, აქედან გამოჯანმრთელდა 14 და დაიღუპა ერთი ადამიანი.