გორის მერი სოფელ საქაშეთში სტიქიის შედეგად დაზარალებულ მოსახლეობას ხვდება

გორის მერი სოფელ საქაშეთში სტიქიის შედეგად დაზარალებულ მოსახლეობას ხვდება

გორის მუნიციპალიტეტის სოფელ საქაშეთში ძლიერმა ქარმა 20 - მდე საცხოვრებელი სახლის სახურავი დააზიანა. ადგილზე უკვე იმყოფებიან გორის მერი კონსტანტინე თავზარაშვილი და მერიის შესაბამისი სამსახურის თანამშრომლები.

გორის მუნიციპალიტეტის მერიის ინფორმაციით, საცხოვრებელი სახლების სახურავებთან ერთად, ქარმა იმ შენობის სახურავიც დააზიანა, რომელიც მერიას საბავშვო ბაღის მშენებლობამდე დაქირავებული აქვს. გორის მუნიციპალიტეტის მერი დაზარალებულ მოსახლეობას ადგილზე გაესაუბრა და დახმარება აღუთქვა.

მას შემდეგ, რაც მოხდება დაზიანებების დეტალური შესწავლა, მერია მოსახლეობას მაქსიმალურად დაეხმარება. ძლიერი ქარი და წვიმა სოფელ საქაშეთში დაახლოებით 20 წუთი გრძელდებოდა.