ოკუპირებულ აფხაზეთში კორონავირუსით კიდევ ერთი ადამიანი დაინფიცირდა
ოკუპირებულ აფხაზეთში კორონავირუსით დაინფიცირების კიდევ ერთი შემთხვევა გამოვლინდა. „სპუტნიკ აფხაზია“ ოპერატიულ შტაბზე დაყრდნობით იუწყება, რომ გასული დღე-ღამის განმავლობაში, 90 ადამიანს კორონავირუსზე ტესტირება ჩაუტარდა, რის შედეგადაც, ინფექცია ერთ ადამიანს დაუდასტურდა.
დაინფიცირებული პაციენტი რუსეთის უმაღლესი სამხედრო სასწავლებლის კურსანტია, რომელიც გუდაუთის საავადმყოფოში გადაიყვანეს.
დღევანდელი მონაცემებით, ოკუპირებულ აფხაზეთში კოვიდ-19-ით დაინფიცირების 25 შემთხვევაა დადასტურებული.
