ნადარბაზევში გზის რეაბილიტაცია მიმდინარეობს

ნადარბაზევში შიდა გზის რეაბილიტაცია მიმდინარეობს, რასაც 784 221 ლარი მოხმარდება. ამის შესახებ „ინტერპრესნიუსს“ გორის მუნიციპალიტეტის მერიიდან აცნობეს. მათი ინფორმაციით, სარეაბილიტაციო მონაკვეთების სიგრძე ჯამში 2 532 მეტრია.
„გზის აღნიშნულ მონაკვეთებს მსგავსი სახის სარეაბილიტაციო სამუშაოები წლებია არ ჩატარებია. დაზიანებული საფარი გადაადგილებისას სერიოზულ პრობლემებს უქმნიდა მძღოლებსა და ქვეითებს. გარდა გზების რეაბილიტაციისა, ნადარბაზევში სასმელი წყლის სისტემის მოწყობაც მიმდინარეობს“,- აღნიშნულია მერიის ინფორმაციაში.

























