ზესტაფონში სატვირთო მატარებლის ვაგონში გაჩენილი ხანძრის შედეგად ერთი ადამიანი დაიღუპა

ზესტაფონში სატვირთო მატარებლის ვაგონში გაჩენილი ხანძრის შედეგად ერთი ადამიანი დაიღუპა

ზესტაფონში სატვირთო მატარებლის ვაგონს ცეცხლი გაუჩნდა. ხანძრის შედეგად შუახნის მამაკაცი დაიღუპა.

არსებული ინფორმაციით, მატარებელი ფოთი-თბილისის მიმართულებით გადაადგილდებოდა.

საგანგებო სიტუაციების მართვის სამსახურში აცხადებენ, რომ ერთი ვაგონი სრულად დაიწვა. ამ დროისთვის ხანძარი ლოკალიზებულია. ადგილზე 3 სახანძრო-სამაშველო ჯგუფი მუშაობდა.

მომხდარზე გამოძიება 188-ე მუხლის მე-3 ნაწილით დაიწყო, რაც გულისხმობს ნივთის დაზიანებას ან განადგურებას, რამაც ადამიანის სიცოცხლის მოსპობა გამოიწვია.