გომბორის ქედზე ტყის ქვედა საფარი იწვის

გომბორის ქედზე ტყის ქვედა საფარი იწვის

გომბორის ქედზე ტყის ქვედა საფარი იწვის. ცეცხლი სოფელ რუსიანთან ახლოს, მთის ფერდობზეა გავრცელებული. რთული რელიეფის გამო, ადგილზე სახანძრო ტექნიკით მისვლას ვერ ხერხდება. მეხანძრე-მაშველებსა და ადგილობრივებს სტიქიის ზონამდე ფეხით მოუწიათ მისვლა.

საგარეჯოს მუნიციპალიტეტის მერის წარმომადგენლის ინფორმაციით, ინტენსიური ხანძარსაწინააღმდეგო სამუშაოების მიუხედავად, ცეცხლის ლოკალიზება ვერ ხერხდება.

"ცეცხლი რამდენიმე ადგილზეა გავრცელებული. მეხანძრე-მაშველებთან ერთად ადგილობრივებიც მუშაობენ. ცდილობენ ცეცხლის გავრცელება არ მოხდეს ტყეზე" , - განაცხადა ზაზა ხიზანიშვილმა.

რამ გამოიწვია აალება ჯერ უცნობია.