გორის სამხედრო ჰოსპიტალის საკარანტინო სივრცეში მოთავსებულ არცერთ პაციენტს კორონავირუსით ინფიცირება არ დაუდასტურდა

გორის სამხედრო ჰოსპიტალის საკარანტინო სივრცეში მოთავსებულ არცერთ პაციენტს კორონავირუსით ინფიცირება არ დაუდასტურდა

თავდაცვის სამინისტროს გორის სამხედრო ჰოსპიტალის საკარანტინო სივრცეში ამ დროისთვის 21 პაციენტია მოთავსებული.

ჰოსპიტალის დირექტორის განცხადებით, არცერთ მათგანს არ დაუდასტურდა ვირუსით ინფიცირება.

„საკარანტინო სივრცეში მოთავსებულია 21 პაციენტი, აქედან ირანის 5 და საქართველოს 16 მოქალაქე, საიდანაც 4 სამხედრო მოსამსახურეა. ყველა მათგანი იმყოფება დაკვირვების ქვეშ. ჩატარებული ანალიზების პასუხები უარყოფითია, ანუ გორის სამხედრო ჰოსპიტალის საკარანტინო სივრცეში მოთავსებულ არცერთ პირზე არ დადასტურდა ახალი კორონავირუსით ინფიცირების შემთხვევა“, - განაცხადა დავით ბარლიანმა.

გორის სამხედრო ჰოსპიტალში საკარანტინო სივრცე 1-ელი მარტიდან მოქმედებს.

იხილეთ ვიდეო: გორის სამხედრო ჰოსპიტალის საკარანტინო სივრცეში მოთავსებულ არცერთ პაციენტს კორონავირუსით ინფიცირება არ დაუდასტურდა