გორის საკრებულოს შენობასთან, სადაც საშობაო ღონისძიება იმართება, სალომე ზურაბიშვილს შეძახილებით - „მონა, მონა“ დახვდნენ

გორის საკრებულოს შენობასთან, სადაც საშობაო ღონისძიება იმართება, სალომე ზურაბიშვილს შეძახილებით - „მონა, მონა“ დახვდნენ

გორში საკრებულოს შენობასთან, სადაც საშობაო ღონისძიება იმართება, პრეზიდენტ სალომე ზურაბიშვილს შეძახილებით დახვდნენ.

„მონა, მონა“- სკანდირებდნენ გორის საკრებულოს ოპოზიციონერი დეპუტატები.

ამ დროისთვის მოედანზე საზეიმო ღონისძიება უკვე დაიწყო და სცენა გამომსვლელებმა დაიკავეს, სცენასთან იმყოფება საქართველოს პრეზიდენტიც. აქციის მონაწილეებთან კი პოლიციაა მობილიზებული.

პრეზიდენტის მისვლამდე ადგილი ჰქონდა კიდევ ერთ მცირე ინციდენტს, რომელიც პოლიციასა და აქციის მონაწილეებს შორის მოხდა. კერძოდ, ვითარება მაშინ დაიძაბა, როცა ოპოზიციის წევრებმა საკრებულოს შენობასთან მისვლა სცადეს, მათ პოლიციელებმა ცოცხალი ჯაჭვის მეშვეობით ამის საშუალება არ მისცეს.

იხილეთ ვიდეო