ვოლოდიმირ ზელენსკი მოლდოვის პრემიერ-მინისტრს შეხვდა
უკრაინის პრეზიდენტი ვოლოდიმირ ზელენსკი მოლდოვის პრემიერ-მინისტრს შეხვდა, - ინფორმაციას უკრაინის პრეზიდენტი სოციალურ ქსელში ავრცელებს.
ვოლოდიმირ ზელენსკის ცნობით, მოლდოვის პრემიერ-მინისტრ ვასილე ტოფანთან შეხვედრაზე ინფრასტრუქტურული პროექტების, ასევე უკრაინისა და მოლდოვის ევროპული ინტეგრაციის საკითხები განიხილა.
„მოლდოვა და უკრაინა ნამდვილად უფრო ძლიერები არიან, როდესაც ამ მიმართულებით წინ ერთად მიიწევენ. მნიშვნელოვანია, რომ სვლა ერთად გავაგრძელოთ, რადგან ეს სამართლიანია“, - წერს ზელენსკი X-ზე.
ასევე, ზელენსკიმ და ტოფანმა უსაფრთხოების შესახებ ისაუბრეს, კერძოდ, დნესტრისპირეთის საკითხი და სამხედრო თანამშრომლობის გაძლიერება განიხილეს.
