მოლდოვას პრემიერ-მინისტრი სამუშაო ვიზიტით კიევში ჩავიდა
მოლდოვას პრემიერ-მინისტრი ვასილე ტოფანი სამუშაო ვიზიტით უკრაინის დედაქალაქში ჩავიდა, - ინფორმაციას უკრაინული მედია ავრცელებს.
მათივე ინფორმაციით, ტოფანთან ერთად უკრაინაში სამი მინისტრი ჩავიდა: ინფრასტრუქტურისა და რეგიონული განვითარების მინისტრი ვლადიმერ ბოლეა, თავდაცვის მინისტრი ანატოლი ნოსატი და ენერგეტიკის მინისტრი დორინ იუნგიეტუ.
ვიზიტის ფარგლებში გაიმართება შეხვედრები უკრაინის პრემიერ-მინისტრ სერგეი კორეცკისთან, პრეზიდენტ ვოლოდიმირ ზელენსკისთან და უმაღლესი რადას სპიკერ რუსლან სტეფანჩუკთან.
„პრემიერ-მინისტრები განიხილავენ ორმხრივი ურთიერთობების განმტკიცებას, ეკონომიკური და სავაჭრო თანამშრომლობის განვითარებას, რეგიონულ უსაფრთხოებას და ორი ქვეყნის ევროპულ გზას“, - აცხადებენ მოლდოვას მთავრობაში.
გარდა ამისა, მათი ინფორმაციით, უკრაინისა და მოლდოვას პრემიერ-მინისტრები მონაწილეობას მიიღებენ კიევის საერთაშორისო ეკონომიკურ ფორუმში, რომელიც საინვესტიციო შესაძლებლობებსა და ეკონომიკური თანამშრომლობის განვითარებას მიეძღვნება.
