რუსული მედია - ვლადიმერ პუტინი კრემლში არაბთა გაერთიანებული საამიროების პრეზიდენტს შეხვდა
ვლადიმერ პუტინი კრემლში არაბთა გაერთიანებული საამიროების პრეზიდენტს შეხვდა, - ინფორმაციას რუსული მედია ავრცელებს.
კრემლის ცნობით, რუსეთის პრეზიდენტმა, ვლადიმერ პუტინმა არაბთა გაერთიანებული საამიროების პრეზიდენტთან, მოჰამედ ბინ ზაიდ ალ ნაჰიანთან ორმხრივი ურთიერთობების საკითხები, უკრაინის საკითხზე მოლაპარაკებებში აბუ-დაბის როლი და ახლო აღმოსავლეთში არსებული ვითარება განიხილა.
ვლადიმერ პუტინმა არაბთა გაერთიანებული საამიროების პრეზიდენტს გასულ შაბათ-კვირას აბუ-დაბიში აშშ-ის, უკრაინისა და რუსეთის დელეგაციებს შორის მოლაპარაკებების მასპინძლობისთვის მადლობა გადაუხადა.
„მსურს, უკრაინის კრიზისის კონტექსტში ემირატების ძალისხმევა აღვნიშნო, მისი წვლილი ტყვეების გაცვლისა და სხვადასხვა ფორმატის კონტაქტების ორგანიზებაში“, - აღნიშნა პუტინმა
