Reuters - ვოლოდიმირ ზელენსკი რომის პაპს შეხვდა
ვოლოდიმირ ზელენსკი რომის პაპს შეხვდა, - ინფორმაციას Reuters-ი ვატიკანის განცხადებაზე დაყრდნობით ავრცელებს.
ვატიკანის განცხადებით, რომის პაპმა ლეო XIV-მ უკრაინის პრეზიდენტთან, ვოლოდიმირ ზელენსკისთან შეხვედრაზე „სამართლიანი და ხანგრძლივი მშვიდობის მიღწევის მიზნით დიალოგის გაგრძელების აუცილებლობას“ ხაზი გაუსვა.
„რომის პაპმა იმედი გამოთქვა, რომ მიმდინარე დიპლომატიური ინიციატივები სამართლიან და ხანგრძლივ მშვიდობას მოიტანს“, - ნათქვამია განცხადებაში.
ასევე, ზელენსკიმ და რომის პაპმა სამხედრო ტყვეებისა და რუსეთის მიერ გატაცებული უკრაინელი ბავშების დაბრუნების საკითხი განიხილეს.
