ფრიდრიხ მერცი, ემანუელ მაკრონი და კირ სტარმერი ბერლინში დღეს შეხვედრას გამართავენ
გერმანიის კანცლერი, ფრიდრიხ მერცი დღეს ბერლინში საფრანგეთის პრეზიდენტს, ემანუელ მაკრონს და გაერთიანებული სამეფოს პრემიერ-მინისტრს, კირ სტარმერს შეხვდება.
მედიის ინფორმაციით, საფრანგეთის პრეზიდენტი ემანუელ მაკრონი ბერლინში დაესწრება სამიტს, რომელიც ევროპის ციფრული სუვერენიტეტის გაზრდას ეხება.
სამიტის შემდეგ გამართულ ვახშამზე გერმანიისა და საფრანგეთის ლიდერებს ბრიტანეთის პრემიერ-მინისტრი, კირ სტარმერიც შეუერთდებათ.
Politico წერს, რომ განსახილველ საკითხებს შორის, სავარაუდოდ, უკრაინის თემა და კონტინენტზე თავდაცვის თანამშრომლობა იქნება.
