გორში ამილახვრის ქუჩის რეაბილიტაცია მიმდინარეობს

გორში ამილახვრის ქუჩის რეაბილიტაცია მიმდინარეობს

გორში ამილახვრის ქუჩის რეაბილიტაცია მიმდინარეობს. როგორც "ინტერპრესნიუსს" გორის მუნიციპალიტეტის მერიიდან აცნობეს, სამუშაოებს 283 422 ლარი მოხმარდება. ქუჩის სიგრძე 324 მეტრია. პროექტის მიხედვით, ქუჩაზე მოეწყობა ახალი ასფალტის საფარი, საგზაო ნიშნები და მონიშვნები, ეზოებში შესასვლელები, #3 საჯარო სკოლასთან სიჩქარის შემზღუდავი ბარიერები, ტრანსპორტისა და ფეხითსავალ ნაწილებს შორის ახალი ბორდიურები.

მათივე ცნობით, ხელშეკრულების მიხედვით, სამუშაოები მიმდინარე წლის ოქტომბრში დაიწყო და 2021 წლის მარტამდე უნდა დასრულდეს.