კორონავირუსის 478 ახალი შემთხვევიდან 6 ფოთში დაფიქსირდა

კორონავირუსის 478 ახალი შემთხვევიდან 6 ფოთში დაფიქსირდა

საქართველოში გამოვლენილი კორონავირუსის 478 ახალი შემთხვევიდან 6 ფოთში დაფიქსირდა. საზოგადოებრივი ჯანდაცვის ადგილობრივი ცენტრის დირექტორის, ნანა მხეიძის ინფორმაციით, ყველა მათგანი უკვე დადასტურებული შემთხვევის კონტაქტია და ისინი თვითიზოლაციაში იმყოფებოდნენ. მისივე თქმით, გრძელდება ეპიდემიოლოგიური კვლევები.

„გუშინ ლაბორატორიაში კვლევისთვის გავაგზავნეთ ექვსი პირის ბიოლოგიური მასალა, ყველა მათგანს „კოვიდ 19“ დაუდგინდა. ისინი ინფიცირებულის კონტაქტებს წარმოადგენენ და თვითიზოლაციაში იყვნენ. ამ ეტაპზე თავს კარგად გრძნობენ. ჩვენს ქალაქში ვითარება კონტროლს ექვემდებარება და პანიკის საფუძველი არ არსებობს“, - განაცხადა საზოგადოებრივი ჯანდაცვის ფოთის ცენტრის დირექტორმა ნანა მხეიძემ.

ამ დროისთვის ფოთში კორონავირუსის 46 შემთხვევაა გამოვლენილი.