ფონიჭალაში მაშველებმა ნანგრევებიდან მეექვსე ადამიანის ცხედარიც ამოიყვანეს

ფონიჭალაში, სადაც, სავარაუდოდ, ბუნებრივი აირის დაგროვების შედეგად საცხოვრებელ კორპუსში აფეთქება მოხდა, მაშველებმა ნანგრევებიდან მეექვსე ადამიანის ცხედარიც ამოიყვანეს.
შს მინისტრის, სულხან თამაზაშვილის განცხადებით, სამაშველო ღონისძიებები ფაქტობრივად დასრულებულია.
„ნანგრევებიდან ამოვიყვანეთ 6 გარდაცვლილი, მათ შორის ერთი მცირეწლოვანი ბავშვი“, - განაცხადა შინაგან საქმეთა მინისტრმა სულხან თამაზაშვილმა.

























