თვითმხილველების ინფორმაციით, ფონიჭალაში, კორპუსიდან სადაც აფეთქება მოხდა, მოქალაქეები გამოჰყავთ

თვითმხილველების ინფორმაციით, ფონიჭალაში, კორპუსიდან სადაც აფეთქება მოხდა, მოქალაქეები გამოჰყავთ

ფონიჭალაში, სადაც სავარაუდოდ, ბუნებრივი აირის გაჟონვის შედეგად აფეთქება მოხდა, თვითმხილველები დეტალებს ჰყვებიან.

როგორც „ინტერპრესნიუსთან“ აცხადებენ, აფეთქების ხმა, დაახლოებით 9:00 საათზე გაიგეს. დაზიანებული საცხოვრებელი კორპუსიდან კი მოსახლეობის ნაწილი უვნებელი გამოიყვანეს.

„აფეთქება,127 - ე სკოლის უკან მოხდა, ერთი დაშავებული გამოიყვანეს, იმდენად დაზიანებულია კორპუსი, ვერ არკვევდნენ კორპუსში

მყოფი ადამიანების რაოდენობას. რამდენიმე ადამიანი გამოიყვანეს უვნებლად“,- აღნიშნავენ თვითმხილველები „ინტერპრესნიუსთან“.

შეგახსენებთ, თბილისში, ფონიჭალაში, სავარაუდოდ, ბუნებრივი აირის გაჟონვის შედეგად აფეთქება მოხდა. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ადგილზე სახანძრო-სამაშველო სამსახურის წარმომადგენლები იმყოფებიან. სოციალურ ქსელებში გავრცელებულ კადრებში ჩანს დაზიანებული საცხოვრებელი კორპუსი.