რუსულმა ძალებმა კიევს და ოდესას დაარტყეს - არიან დაღუპულები და დაშავებულები

რუსულმა ძალებმა კიევს და ოდესას დაარტყეს - არიან დაღუპულები და დაშავებულები

რუსული ძალების მიერ კიევზე განხორციელებული თავდასხმის დროს დრონმა პეჩერსკის რაიონში მრავალსართულიან შენობას დაარტყა, რის შედეგადაც 14 წლის ბიჭი დაიღუპა და სულ მცირე შვიდი მცხოვრები დაშავდა, - ინფორმაციას უკრაინული მედია ავრცელებს.

რუსულმა ძალებმა დღეს დილით ოდესასაც დაარტყეს, რის შედეგადაც ერთი ადამიანი დაიღუპა და ერთი - დაშავდა.

ოდესის საქალაქო-სამხედრო ადმინისტრაციის ხელმძღვანელის, სერგეი ლისაკის განცხადებით, ქალაქში ინფრასტრუქტურის დაზიანება დაფიქსირდა.

თავდასხმის შესახებ ინფორმაცია გაავრცელა ოდესის საოლქო-სამხედრო ადმინისტრაციის ხელმძღვანელმა, ოლეგ კიპერმაც. მისი თქმით, რუსებმა დარტყმების მასშტაბური სერია განახორციელეს საცხოვრებელ უბნებსა და ფოსტის ოპერატორის ლოგისტიკურ ობიექტებზე.