საინფორმაციო სააგენტო ინტერპრესნიუსი

ბიზნესისა და ტექნოლოგიების უნივერსიტეტს, გერმანიის აკადემიური გაცვლის სამსახურის (DAAD) ორგანიზებით გერმანიის გამოყენებით მეცნიერებათა 19 უნივერსიტეტის (UAS) რექტორებისა და პრეზიდენტების დელეგაცია ეწვია. მათთან ერთად შეხვედრაში მონაწილეობდნენ DAAD-ის ცენტრალური და ადგილობრივი ოფისების წარმომადგენლებიც. ვიზიტის მიზანი არსებული თანამშრომლობების შედეგების შეფასება, სამომავლო პარტნიორობის შესაძლებლობების განხილვა და საუკეთესო პრაქტიკების გაზიარება იყო.

აღნიშნული ვიზიტი მნიშვნელოვნად შეუწყობს ხელს BTU-სა და გერმანიის UAS-ების თანამშრომლობის გაღრმავებას.

მხარეებმა განიხილეს ერთობლივი კვლევითი პროექტების, გაცვლითი პროგრამებისა და სტუდენტებისა და აკადემიური პერსონალის მობილობის საკითხები. ეს ინიციატივა BTU-ს ინტერნაციონალიზაციის პროცესს კიდევ უფრო გააძლიერებს.

DAAD მსოფლიოს ერთ-ერთი უმსხვილესი გერმანული ორგანიზაციაა, რომელიც საერთაშორისო აკადემიურ გაცვლას ხელს უწყობს. მისი თბილისის რეგიონული ოფისი სხვადასხვა მიმართულებით საქმიანობს, მათ შორის:

• გერმანიაში სწავლისა და კვლევის შესაძლებლობების შესახებ ინფორმაციის მიწოდება და კონსულტაციების გაწევა;
• DAAD-ის სასტიპენდიო პროგრამებისა და დაფინანსების კონკურსების ორგანიზება;
• DAAD-ის ყოფილი სტიპენდიატების ქსელის კოორდინაცია;
• ქართულ და გერმანულ უნივერსიტეტებს შორის თანამშრომლობის ხელშეწყობა;
• უმაღლესი სასწავლებლების პარტნიორული პროგრამების კონსულტაცია;
• გერმანიის საელჩოსთან და განათლების სფეროსთან დაკავშირებულ გერმანულ ორგანიზაციებთან მჭიდრო თანამშრომლობა;
• სტუდენტებისა და მასწავლებლებისთვის კვალიფიკაციის ასამაღლებელი კურსებისა და სემინარების ორგანიზება.

ვიზიტის ფარგლებში BTU-ს ეწვია შემდეგი უნივერსიტეტების რექტორები და პრეზიდენტები:

1. Hochschule Magdeburg-Stendal
2. Ostbayerische Technische Hochschule Amberg-Weiden (OTH)
3. Hochschule Heilbronn
4. Technische Hochschule Würzburg-Schweinfurt (THWS)
5. Hochschule Niederrhein University of Applied Sciences
6. Technische Hochschule Lübeck
7. Fachhochschule Kiel
8. Westsächsische Hochschule Zwickau
9. Hochschule Hamm-Lippstadt
10. Hochschule Fulda
11. Technische Hochschule Georg Agricola
12. Hochschule Merseburg
13. Technische Hochschule Ostwestfalen-Lippe
14. Technische Hochschule Aschaffenburg
15. Hochschule Koblenz
16. Hochschule Flensburg
17. Hochschule Nordhausen
18. Hochschule RheinMain
19. Technische Hochschule Mittelhessen

BTU-სა და DAAD-ის თანამშრომლობა მნიშვნელოვან ნაბიჯს წარმოადგენს საერთაშორისო აკადემიური კავშირების გაძლიერებისკენ. ეს პარტნიორობა ხელს შეუწყობს როგორც სტუდენტებისა და პროფესორ-მასწავლებლების პროფესიულ განვითარებას, ასევე საქართველოსა და გერმანიის უმაღლესი განათლების სისტემებს შორის ცოდნისა და გამოცდილების გაზიარებას.

(R)