ჩვენ ვემზადებით გამარჯვებისთვის და ერთხელ და სამუდამოდ დავასრულებთ სიღარიბეს, უმუშევრობას, წარმოუდგენლად დიდი რაოდენობით ხალხის გადინებას ქვეყნიდან და აუცილებლად დავაყენებთ ჩვენს ქვეყანას ევროპულ გზაზე, ერთად ავაშენებთ ისეთ ქვეყანას, რომელიც თავის დროზე მიხეილ სააკაშვილმა ააშენა, - ამის შესახებ „ერთიანი ნაციონალური მოძრაობის“ თბილისის ორგანიზაციის თავმჯდომარემ, სოფო ჯაფარიძე სამგორში, მოსახლეობასთან გამართულ შეხვედრაზე განაცხადა.
სოფო ჯაფარიძის განცხადებით, 12 წელია „ქართული ოცნება“ ანგრევს იმას, რაც მიხეილ სააკაშვილმა შექმნა.
„გრძელდება ჩვენი შეხვედრები თბილისის მოსახლეობასთან, ამჯერად ვიმყოფებით სამგორში და წარმოუდგენელი განწყობაა - ხალხი არის გამარჯვებისთვის მზად, ხალხი მზადაა, რომ ბოლომდე იბრძოლოს, რათა ერთხელ და სამუდამოდ დავასრულოთ ეს უმძიმესი მდგომარეობა, რაშიც დღეს ჩვენი ქვეყანა და ხალხია. ვისმენთ უამრავი პრობლემის შესახებ. ეს ადამიანები არიან უმუშევრები, ვინც მუშაობს, აქვს ძალიან დაბალი ანაზღაურება. თბილისი დაცლილია, უამრავი ჩვენი თანამოქალაქე ემიგრაციაშია წასული, მაგრამ რაც ყველაზე მნიშვნელოვანია, ამდენი პრობლემის მიუხედავად, განწყობა არის ერთმნიშვნელოვნად ამაღლებული. ჩვენ ვემზადებით გამარჯვებისთვის და ერთხელ და სამუდამოდ დავასრულებთ სიღარიბეს, უმუშევრობას, წარმოუდგენლად დიდი რაოდენობით ხალხის გადინებას ქვეყნიდან და აუცილებლად დავაყენებთ ჩვენს ქვეყანას ევროპულ გზაზე, ერთად ავაშენებთ ისეთ ქვეყანას, რომელიც თავის დროზე მიხეილ სააკაშვილმა ააშენა.
12 წელია „ქართული ოცნება“ აკეთებს მხოლოდ ერთს: ანგრევს იმას, რაც შექმნა მიხეილ სააკაშვილმა თავის გუნდთან ერთად. ბრძოლა გრძელდება და აუცილებლად, 26 ოქტომბერს, ამ საოცარ ხალხთან ერთად ჩვენ ვიზეიმებთ გამარჯვებას“, - განაცხადა სოფო ჯაფარიძემ.
ბოლო საინფორმაციო გამოშვება
