ბენიამინ ნეთანიაჰუ - მძევლების გათავისუფლების შესახებ „ჰამასს“ კონკრეტული წინადადება არ შემოუთავაზებია
მძევლების გათავისუფლების შესახებ „ჰამასს“ კონკრეტული წინადადება არ შემოუთავაზებია. ამის შესახებ ისრაელის პრემიერ-მინისტრმა, ბენიამინ ნეთანიაჰუმ „ჰამასის“ მიერ დაკავებული მძევლების ოჯახის წევრებთან შეხვედრისას განაცხადა.
„მიუხედავად იმისა, თუ რას ამბობს ხალხი, „ჰამასის“ რეალური შემოთავაზება არ არსებობს. ეს არ არის სიმართლე“, - განაცხადა ბენიამინ ნეთანიაჰუმ.
ისრაელის პრემიერ-მინისტრმა აღნიშნა, რომ ისრაელმა „ჰამასს“ საკუთარი ინიციატივა შესთავაზა, მაგრამ მას დეტალები აღარ დაუსახელებია.
ცნობისთვის, დღეს, ღაზაში დაკავებული მძევლების ნათესავები ისრაელის პარლამენტში შეიჭრნენ და მოითხოვეს, რომ მთავრობამ მძევლების გასათავისუფლებლად მეტი გააკეთოს.
