ფოთის ცენტრალურ სტადიონზე არსებულ საფეხბურთო ბაზას სრული რეაბილიტაცია ჩაუტარდა
ფოთის ცენტრალურ სტადიონზე არსებულ საფეხბურთო ბაზას სრული რეაბილიტაცია ჩაუტარდა. ამის შესახებ ინფორმაციას ფოთის მერია ავრცელებს.
მათი ინფორმაციით, პროექტი საფეხბურთო კლუბ ,,კოლხეთი 1913”- ის განვითარებისა და ქალაქში საფეხბურთო მიმართულებების ხელშეწყობის მიზნით განხორციელდა.
„სამუშაოების ფარგლებში მოეწყო ახალი სახურავი, გათბობის სისტემა, სველი წერტილები, სამედიცინო პუნქტი, რეაბილიტირდა ოთახები და გარე ფასადი, შეიცვალა კარ-ფანჯრები, შენობაში დამონტაჟდა სახანძრო უსაფრთხოების სისტემა. უახლოეს პერიოდში საფეხბურთო ბაზა აღიჭურვება ახალი ინვენტარით.
საფეხბურთო ბაზის რეაბილიტაცია ადგილობრივი ბიუჯეტის დაფინანსებით ჩატარდა.
ქალაქ ფოთის მერის, ბექა ვაჭარაძის განცხადებით, ადგილობრივი ხელისუფლება აქტიურად გააგრძელებს სპორტის სხვადასხვა სახეობისა და სპორტსმენების მხარდაჭერას, რათა მომავალ თაობას ჯანსაღი ცხოვრების წესით ცხოვრებისა და სპორტული წარმატებების მიღწევის მოტივაცია გაეზარდოს“, - აღნიშნულია ინფორმაციაში.
