22 მაისს ზუგდიდში სკოლის კურსდამთავრებულთათვის კონცერტი გაიმართება
ზუგდიდის მუნიციპალიტეტის მერიისა და ახალგაზრდული სათათბიროს ორგანიზებით, 22 მაისს, სკეიტ პარკში, სკოლის კურსდამთავრებულთათვის მიძღვნილი ღონისძიება ,,ბოლო ზარი 2023“ გაიმართება. ამის შესახებ ინფორმაციას ზუგდიდის მერია ავრცელებს.
მათი ცნობით, ღონისძიება 15:00 საათზე სკოლის მოსწავლეთა საზეიმო მსვლელობით დაიწყება და სხვადასხვა აქტივობით გაგრძელდება.
„მოსულ სტუმრებს ადგილზე საუნივერსიტეტო ხეივანი, ახალგაზრდული ორგანიზაციების გამოფენა, კვების ობიექტები, სპორტული აქტივობები დახვდებათ. გაიმართება სკოლის მოსწავლეთა საზეიმო მსვლელობა. ღონისძიებას KILLAGES-ის კონცერტი დახურავს.
შემოგვიერთდით, ერთად მივულოცოთ ახალგაზრდებს სკოლის დამთავრება”, - ნათქვამია გავრცელებულ ინფორმაციაში.
