ქუთაისის აკაკი წერეთლის სახელმწიფო უნივერსიტეტში რეზო გაბრიაძის წიგნის "ჩემი პატარა ქალაქი " პრეზენტაცია გაიმართა
ქუთაისის აკაკი წერეთლის სახელმწიფო უნივერსიტეტში რეზო გაბრიაძის წიგნის "ჩემი პატარა ქალაქი " პრეზენტაცია გაიმართა. ამის შესახებ ინფორმაციას ქუთაისის მერია ავრცელებს.
ღონისძიებას ესწრებოდნენ: ქუთაისის მერი იოსებ ხახალეიშვილი, საკრებულოს თავმჯდომარე ირაკლი შენგელია, მწერლის შვილი, რეჟისორი ლევან გაბრიაძე. საღამო მიჰყავდა თეატრმცოდნე ნიკა წულუკიძეს.
რეზო გაბრიაძის შემოქმედების თაყვანისმცემლებმა ისაუბრეს მწერლის შემოქმედებასა და მის განსაკუთრებულ დამოკიდებულებაზე მშობლიური ქალაქთან.
"რეზო გაბრიაძის წიგნი "ჩემი პატარა ქალაქი" ახლახან გამოვიდა და მაშინვე ბესტსელერად იქცა.
მოხარული ვარ, რომ წიგნი დაიბეჭდა მწერლის მშობლიური ქალაქის, ქუთაისის მერიის მხარდაჭერით და ბატონი ლევან გაბრიაძის უშუალო მონაწილეობით.
დღეს რეზო გაბრიაძის შემოქმედების მოყვარული ადამიანები შევიკრიბეთ წიგნის პრეზენტაციაზე და კიდევ ერთხელ, ერთად გავიხსენეთ გაბრიაძის უკვდავი ფრაზები და პერსონაჟები", - განაცხადა იოსებ ხახალეიშვილმა.
პრეზენტაციაზე ნაჩვენები იქნა რეზო გაბრიაძის ანიმაციური, ავტობიოგრაფიული ფილმი " ჰარი -ჰარალე, დედაო!"
