ზუგდიდში აქცია „მშობლები მშობლებისთვის" გაიმართა
„მშობლები მშობლებისთვის" - ამ სახელწოდებით ზუგდიდის სკეიტ პარკში აქონდროპლაზიის მქონე ბავშვთა მშობლების სოლიდარობის აქცია გაიმართა.
აქციაზე მოქალაქეები და ადგილობრივი პოლიტიკოსები შეიკრიბნენ.
აქციის მონაწილეები ხელისუფლებისგან „მეტ გულისხმიერებას და მოთხოვნების დაკმაყოფილებას“ ითხოვენ.
მათი თქმით, „შეურაცხმყოფელია პრემიერ-მინისტრის განცხადებები, თითქოს მშობელთა აქციების პოლიტიკურ ჭრილში გამოყენებას ცდილობენ“.
