ქუთაისში დავით ხახალეიშვილისა და აკაკი კიბორძალიძის სახელობის ძიუდოს საერთაშორისო ტურნირი ჩატარდა
ქუთაისის სპორტის სასახლეში ოლიმპიური ჩემპიონის დავით ხახალეიშვილისა და მსოფლიო ვიცე-ჩემპიონის, აკაკი კიბორძალიძის სახელობის ძიუდოს საერთაშორისო ტურნირი გაიმართა.
ქუთაისის მერიის ინფორმაციით, ტურნირში გამარჯვებულთა დაჯილდოების ცერემონიას ქუთაისის მერი იოსებ ხახალეიშვილი დაესწრო.
„ქუთაისის სპორტის სასახლეში 2 დღის განმავლობაში მიმდინარეობდა ჩვენი ლეგენდარული ძიუდოისტების დავით ხახალეიშვილისა და აკაკი კიბორძალიძის სახელობის საერთაშორისო ტურნირი.
200-მდე ჭაბუკი ძიუდოისტი მონაწილეობდა შეჯიბრში.
ტურნირი ქუთაისის მერიის ინიციტივით დაფუძნდა და ყოველწლიურად გაიმართება. ამ სახის სპორტული ღონისძიებები მნიშვნელოვანია როგორც ახალი თაობის სპორტსმენების მხარდასაჭერად, ასევე ქუთაისის პოპულარიზაციისათვის“,- განაცხადა იოსებ ხახალეიშვილმა.
