გორში, 2008 წლის რუსეთ-საქართველოს ომში დაღუპულ ჯარისკაცთა მემორიალთან სანთლების ტრადიციული აქცია მოეწყო
გორის მუნიციპალიტეტის მერიის ინფორმაციით, გორში, 2008 წლის რუსეთ-საქართველოს ომში დაღუპულ ჯარისკაცთა მემორიალთან სანთლების ტრადიციული აქცია მოეწყო.
მათივე ცნობით, გორის მუნიციპალიტეტის მერმა, ვლადიმერ ხინჩეგაშვილმა, ადგილობრივი ხელისუფლების სხვა წარმომადგენლებთან ერთად, მემორიალი გვირგვინებით შეამკო და გარდაცვლილთა ხსოვნას პატივი მიაგო.
„2008 წლის აგვისტოში საქართველომ უმძიმესი დღეები გამოიარა. დღეს, პატივი მივაგეთ იმ ადამიანების ხსოვნას, რომლებმაც სამშობლოს თავისუფლებასა და მომავალს სიცოცხლე შესწირეს. ისინი საქართველოს ყოველთვის ემახსოვრება. მჯერა, რომ ჩვენი ქვეყანა დაკარგულ ტერიტორიებს მალე დაიბრუნებს,“ - აცხადებს ვლადიმერ ხინჩეგაშვილი.
