„ქართული ოცნების“ ქალთა ორგანიზაციამ ქუთაისსა და ზუგდიდში რეგიონული კონფერენციები გამართა
"ქართული ოცნების“ ქალთა ორგანიზაციამ ქუთაისსა და ზუგდიდში, იმერეთის და სამეგრელო-ზემო სვანეთის რეგიონული კონფერენციები გამართა.
პარტიის ინფორმაციით, ქალთა ორგანიზაციის გამგეობის თავმჯდომარე ნინო წილოსანმა ორგანიზაციის მიზნებსა და ამოცანებზე ისაუბრა და იმერეთისა და სამეგრელო-ზემო სვანეთის რეგიონული საბჭოს ხელმძღვანელები და შემადგენლობა წარადგინა.
გაკეთდა თემატური მოხსენებები.
კონფერენციაში მონაწილეობდნენ ქალთა ორგანიზაციის გამგეობის წევრები მაია ბითაძე, ეკა სეფაშვილი, ნინი ვარდოსანიძე, თინათინ ნიბლოშვილი.
იმერეთის და სამეგრელო-ზემო სვანეთის გარდა, რეგიონული კონფერენციები ჩატარდა შიდა ქართლში, სამცხე-ჯავახეთში, რაჭა-ლეჩხუმ-ქვემო სვანეთსა და კახეთში.
