საწვავის ფასებთან დაკავშირებით აქცია ქუთაისშიც გაიმართა

საწვავის ფასებთან დაკავშირებით აქცია ქუთაისშიც გაიმართა

ქუთაისში, რუსთაველის ქუჩაზე ავტომობილების მძღოლებმა საპროტესტო აქცია გამართეს.

მძღოლებმა, რომლებიც საწვავის გაზრდილ ფასს აპროტესტებდნენ, მერიასთან ავტომობილები გააჩერეს და პროტესტი ამ ფორმით გამოხატეს.

აქციის მონაწილეები ხელისუფლებისგან დროულ რეაგირებას მოითხოვენ, წინააღმდეგ შემთხვევაში პროტესტის გაგრძელებას გეგმავენ.

ადგილზე სამართალდამცველებიც იმყოფებიან, ისინი მძღოლებს გზის გათავისუფლებისკენ მოუწოდებენ.