მარნეულში „სოფლის მხარდაჭერის პროგრამის“ ფარგლებში შეხვედრები გრძელდება

მარნეულში „სოფლის მხარდაჭერის პროგრამის“ ფარგლებში შეხვედრები გრძელდება

მარნეულის მუნიციპალიტეტის ადმინისტრაციულ ერთეულებში, „სოფლის მხარდაჭერის პროგრამის“ ფარგლებში, მოსახლეობასთან შეხვედრები გრძელდება. ინფორმაციას ამის შესახებ მარნეულის მერია ავრცელებს.

მათივე ცნობით, შეხვედრები განრიგის მიხედვით მიმდინარეობს. კონსულტაციები ამ ეტაპისთვის 6 ადმინისტრაციული ერთეულის 20 სოფელში გაიმართა.

„მარნეულის მუნიციპალიტეტისთვის „სოფლის მხარდაჭერის პროგრამით“ გამოყოფილია 1 232 000 ლარი, რომლითაც სხვადასხვა ინფრასტრუქტურული პროექტები დაფინანსდება.

აღსანიშნავია, რომ პროგრამის ფარგლებში კონსულტაციებს მერის ბრძანებით განსაზღვრული სამი სამუშაო ჯგუფი მუნიციპალიტეტის ყველა ადმინისტრაციულ ერთეულში ჩაატარებს,“ - ნათქვამია ინფორმაციაში.