ვლადიმერ ხინჩეგაშვილი შავშვებში მოსახლეობას ვაქცინაციის შესახებ ესაუბრა

ვლადიმერ ხინჩეგაშვილი შავშვებში მოსახლეობას ვაქცინაციის შესახებ ესაუბრა

გორის მუნიციპალიტეტის მერი ვლადიმერ ხინჩეგაშვილი, კოვიდსაწინააღმდეგო ვაქცინაციის კამპანიის ფარგლებში, სოფელ შავშვებში მოსახლეობას შეხვდა. ამის შესახებ ინფორმაციას გორის მუნიციპალიტეტის მერია ავრცელებს.

მათივე ცნობით, გორის მერმა ადგილობრივებთან საკოორდინაციო საბჭოს გადაწყვეტილებაზე ისაუბრა და მოსახლეობას 200-ლარიანი წახალისების პროგრამის შესახებ მიაწოდა ინფორმაცია, რომელიც საკოორდინაციო საბჭოს გადაწყვეტილებით თებერვლის თვეშიც გრძელდება.

„შეხვედრაზე ისაუბრეს იმ ახალ გადაწყვეტილებაზეც, რაც 50 წლის ასაკის ზემოთ, „ბუსტერ“ დოზით აცრის შემთხვევაში, 100 ლარით წახალისებას გულისხმობს.

შეხვედრის დროს მოსახლეობის მხრიდან ვაქცინაციასთან და პანდემიასთან დაკავშირებით დასმულ კითხვებს სამედიცინო სფეროს წარმომადგენლებმა უპასუხეს.

ვლადიმერ ხინჩეგაშვილი, შავშვების ამბულატორიაში კოვიდ19-ის საწინააღმდეგო ვაქცინაციით აცრის პროცესსაც დაესწრო“, - ნათქვამია ინფორმაციაში.