ბათუმში, ჯავახიშვილის ქუჩაზე საცხოვრებელი კორპუსის სხვენში ხანძარია

ბათუმში, ჯავახიშვილის ქუჩაზე ერთ-ერთი საცხოვრებელი კორპუსის სხვენში ხანძარია. ადგილობრივების ინფორმაციით შემთხვევის შედეგად არავინ დაშავებულა.
ხანძრის გამომწვევი მიზეზები კი ჯერჯერობით უცნობია.
როგორც შსს-ს საგანგებო სიტუაციების მართვის სამსახურში "ინტერპრესნიუსს" განუცხადეს, ადგილზე სამაშველო ეკიპაჟებია მობილიზებული და ხანძრის ლოკალიზება მიმდინარეობს.
მომხდარს სამართალდამცავები სწავლობენ.

























