იოსებ ხახალეიშვილი ქუთაისში მიმდინარე ინფრასტრუქტურულ სამუშაოებს ეცნობა

იოსებ ხახალეიშვილი ქუთაისში მიმდინარე ინფრასტრუქტურულ სამუშაოებს ეცნობა

ქუთაისის მერი იოსებ ხახალეიშვილი ქალაქში მიმდინარე ინფრასტრუქტურულ სამუშაოებს ეცნობა. ამის შესახებ ინფორმაციას ქუთაისის მერია ავრცელებს.

მათი ცნობით, მერმა ამჯერად კახიანოურის ადმინისტრაციულ ერთეულში, ახალგაზრდობისა და ფოთის ქუჩებზე განსახორციელებელი პროექტები დაათვალიერა.

„როდესაც ინფრასტრუქტურულ პროექტებს ვგეგმავთ, პირველ რიგში, მოსახლეობის მოთხოვნებს ვითვალისწინებთ. ახალგაზრდობის გამზირის #100ა მცხოვრებლების სურვილის გათვალისწინებით, ჩვენ დავიწყებთ აღნიშნული კორპუსის ფასადის შეკეთებას, რომელიც მართლაც საჭიროებდა რეაბილიტაციას.

ასევე, მოსახლეობის თხოვნით, მოპირკეთდა ფოთის ქუჩის #38-ში მდებარე კორპუსის ეზო, აქვე მალე დაიწყება მცირე სპორტული მოედნის მოწყობაც.

მსგავსი პროექტები ქალაქის სხვა უბნებშიც გვაქვს დაგეგმილი", - განაცხადა იოსებ ხახალეიშვილმა.