აჭარის უმაღლესი საბჭოს წევრებმა მეორე მსოფლიო ომის გმირებს პატივი მიაგეს

აჭარის უმაღლესი საბჭოს წევრებმა მეორე მსოფლიო ომის გმირებს პატივი მიაგეს

აჭარის უმაღლესი საბჭოს წევრებმა მეორე მსოფლიო ომის გმირებს პატივი მიაგეს. როგორც “ინტერპრესნიუსს” აჭარის უმაღლესი საბჭოდან აცნობეს, ფაშიზმზე გამარჯვების 76- ე წლისთავი ტრადიციულად ლეგენდარული ქართველი კაპიტნის, საბჭოთა კავშირის გმირის - ანატოლი კაჭარავას საფლავზე შეკრებით აღინიშნა ბათუმში.

“აჭარის უმაღლესი საბჭოს თავმჯდომარემ - დავით გაბაიძემ, ადგილობრივი ხელისუფლების წარმომადგენლებმა, მეორე მსოფლიო ომის ვეტერანებმა და ომში დაღუპულთა ახლობლებმა ყვავილებითა და გვირგვინებით შეამკეს საბჭოთა კავშირის გმირის საფლავი, რომელსაც 9 მაისს 111 წელი შეუსრულდებოდა. ანატოლი კაჭარავამ საომარი მოქმედებების დროს არაერთი სახიფათო რეისი შეასრულა და გმირობის მაგალითად იქცა. შეკრებილებმა მის ხსოვნას მხედრული პატივი მიაგეს.

9 მაისი ტრადიციულად აღინიშნა ხელვაჩაურშიც. აჭარის უმაღლესი საბჭოს წევრმა ნადიმ ვარშანიძემ, ადგილობრივი თვითმმართველობისა და საზოგადოების წარმომადგენლებმა პატივი მიაგეს ომში დაღუპულთა ხსოვნას.

ფაშიზმზე გამარჯვების 76-ე წლისთავთან დაკავშირებით, მეორე მსოფლიო ომის ვეტერანებსა და ომში დაღუპულთა ოჯახებს ერთჯერადი ფულადი საჩუქრები გადაეცათ”, - აღნიშნულია ინფორმაციაში.