აჭარის მთავრობის სახლთან „ნაციონალური მოძრაობის" წევრებსა და სამართალდამცავებს შორის დაპირისპირებაა

აჭარის მთავრობის სახლთან „ერთიანი ნაციონალური მოძრაობის" წევრებსა და სამართალდამცავებს შორის დაპირისპირებაა.
"ერთიანი ნაციონალური მოძრაობის" წევრები ბონდო თედორაძე და რეზო ხარაზი აჭარის მთავრობის სახლზე წარწერის "საბჭოთა კავშირში არ დავბრუნდებით" განთავსებას ცდილობენ, რის საშუალებასაც სამართალდამცავები არ აძლევენ.
ბონდო თედორაძესთან და რეზო ხარაზთან ერთად, აქციის მონაწილეები იმყოფებიან, რომლებიც სამართალდამცავებს სიტყვიერად უპირისპირდებიან.
"ჩვენ კანონს არ ვარღვევთ. გამოხატვის თავისუფლებას გვიზღუდავენ. რუსეთი ოკუპანტია და ეს გვინდა გაიგოს ამ მთავრობამ. ამიტომ ვცდილობთ წარწერა დავტოვოთ, რომ ყოველდღიურად წაიკითხონ და გაიაზრონ, რომ რუსეთი ოკუპანტია“, - აცხადებენ აქციის მონაწილეები.

























